M2C #攀石女子主題 日本繪師聯名Tee 涼感 黑/白

いつつつつぬ 係來自日本嘅插畫師，以攀石鞋美少女化嘅創作風格喺日本攀石界受到廣泛關注，亦因此獲邀同多間日本攀 Climbing Gym 及品牌合作，設計紀念 T-shirt 圖案。

喺數碼繪畫盛行嘅年代，いつつつつぬ 依然堅持用紙筆手繪。今次 M2C 特別邀請佢將品牌化身成美少女，以 M2C 經典嘅藍、白、黑三種顏色作為主調，創作出極具個人風格嘅作品。

為咗保留原作手繪紙張嘅溫度同質感，我哋特意唔將紙張背景移除，令原稿自然融入 T-shirt 設計之中；同時採用成本較高、但更能呈現透明感同細緻質感嘅數碼直噴印刷，盡量忠實呈現原畫嘅筆觸同真實感。

布料採用涼感物料，觸感清爽順滑，有助減少炎熱天氣下穿著時嘅焗促同黏笠感。即使長時間活動，亦可以保持舒適，適合攀石、戶外活動及日常穿著。

主要成分：70.3% 棉／29.7% 聚酯纖維

※ 如購買黑色款式，第一次清洗請單獨洗滌；之後建議同深色衣物一齊洗，避免甩色染到淺色衣物。