Onsight

Drawing by Climbing Magazine

攀石 Level 1 係一個攀石體驗，完成 Level 2 先會掌握到完整嘅技術同方法，可以照顧自己去book場玩。

攀石 Level 2 會接觸到一 d 新名詞 或 英文術語，好似 beta, crux, onsight, grigri, multi, bolt, anchor, top rope, leading ... 會唔知佢講咩，同一個字有時係名詞有時係動詞，初初玩真係會 O 咀。 其實術語係由歐美傳入，大部分可以照英文字面解讀，有 d 簡單嘅聽到之後睇到人做或自己用到就會明白。

例如:

top rope = 用頂繩方式玩

anchor = 即係船隻的錨點、攀石即一個穩固的點可以用黎掛繩或固定自己係牆上面

crux = 即一條線路線中最難的部分 (中文翻譯 - 難點)

其中有一個術語 "onsight" 廣東話譯音"岸西"比較有趣。 如果唔知係英文，就咁聽以為鬧緊人或者鬧緊自己，但通常話自己"岸西"個人嘅表情係好開心又好興奮。更有 d 比賽形式既叫 爬 onsight (鬥 onsight? onsight 比賽?) 。 其實 "onsight" 意思係 "目測"，即首次領攀就成功完攀咗條路線，而且爬之前只靠自己從地下觀察過條缐路，冇靠其他人教你或睇過其他人爬。 所以 "onsight" 其實係好犀利。 如果可以 onsight 有難度嘅線，即只靠自己實力完攀，真係喜出望外錦上添花。