Level 2 與 Level 1 的分別 ?

簡單睇 Level 2 與 Level 1 嘅分別係可以用自己張證去 book 線爬。 用兩張 2 級證就可以 book 到康文署嘅攀石牆 (當然你要自備器材啦)。 book 線爬即係話你要領攀 - 開始照顧自己。

領攀要識嘅嘢包括：掛扣入繩 (clipping)、動態防護 (dynamic belay)、撤離 (穿ring及收扣)、領攀嘅 fall (over-runner) 等等實戰東西。 雖然份量比 Level 1 要多，初時會有點吃力，但一共 30 小時的實習與理論，應足以明白當中原理、掌握操作技巧及實戰注意事項。

其實這些領攀的東西亦可應用於天然場。 當有一定的能力及經驗時，你可以挑戰 Guidebook 上有註明難度嘅線路。 雖然於天然場開線與人工場係大同小異，但兩者始終有別。 例如 belay 嘅地方比較狭窄、第一隻扣可能好高、crux 可能比人工場嘅低...等等，所以要加倍小心、量力而為。你亦甚至要了解天然場攀岩的禮儀。 當累積一定經驗後，你就可以獨當一面到香港以外的地方攀石及增廣見聞，體驗不同的攀岩文化。